SPORT

Bakies begin in 2021 met fietsry as 'n buitemuurse aktiwiteit. Sommige leerders neem sommer net vir die lekkerte deel aan wedrenne en dan het ons leerders wat dit reeds ernstig opneem en 'n 10km en selfs 'n 21km aandurf. Hulle motivering is natuurlik van ons personeel wat self kranige fietsryers is. Mnr Glen van Pletzen, en Mnr Marnus Putter neem amper elke naweek deel aan 'n wedren. Mnr Marnus gee self afrigting vir hoërskool leerders by Hoërskool Zwartkop. 

In 2022 open ons ons eie fietsry baan by die skool waar die ryers hard oefen. 

Ons vaar uitstekend in 2024 en tydens die laaste liga wys die bergfietsryers hul staal tydens Grootfontein se liga van die Gauteng Skole Bergfietsreeks met ñ uitdagende roete.

Ons begin in 2019 vir die eerste keer aan Gholf liga deel te neem vir Gr 7 leerders. In 2020 sal ons meer spanne inskryf as daar spelers is. Ons neem ook deel aan die Super 8 Gholf.   Daar word ook Playgolf aangebied op ons velde deur Paul Neethling. Vir navrae oor die playgholf kontak Paul by 081 494 8922. 

.        

Wil jy graag by Laerskool Bakenkop skoolgaan? Nou maak 'n skuif! Ons neem skaak tot 'n volgende vlak en bied dit ook in "grootmaat" aan. Daar is Junior en Seniorspanne. In 2019 neem ons ook deel aan die Arnold Schwarzenegger skaaktoernooi. 

Ons neem deel aan ligas asook Super 8! Ekstra skaaklesse deur 'n professionele afrigter word ook aangebied op Donderdae middae. Net so....skaakmat!

Handre Coetzee, Leanu Lotz en Heinrich Hattingh verwerf hulle Gauteng Noord klere in skaak in 2019. 

Ons 0/9, 0/11 en 0/13 gemengde spanne wen die ligas in 2019.

Ons 0/9 Span wen ook die Super 8 in 2019. Alles kom tot 'n stilstand met Covid en ons kan weer begin deelneem in 2022. Ons 0/11 span is die naaswenners van die Super 8 reeks.

Zarius en sy sussie Alissa Keyter se eerste regte skuif was om Bakies te word. Verder weet hulle hoe om die regte skuiwe te maak op 'n skaakbord. Hulle het in Des 2022 aan die SA Junior skaakkampioenskappe gaan deelneem. Zarius en sy ander 0/12 spanmaats het 'n eerste plek gekry en Zarius het as individue al 9 sy borde gewen! Sussie Alissa wat net 8 jaar oud is het saam met haar 0/10 span 'n 2de plek behaal. Baie geluk julle 2! Nou wag ons vir kleinboet wat volgende jaar Gr R is om in julle spore te volg!

In Bakieland het ons plek vir laaangasems ook! Hulle oefen eintlik die hele jaar anders raak daardie asempies kort! Ons neem deel aan ligas asook die RMS reeks. Elke jaar lewer ons verskeie leerders op wat Provinsiale kleure verwerf. 

• In 2023 het ons 5 atlete wat Gauteng Noord klere verwerf en aan die SA kampioenskappe gaan deelneem. 
• In 2024 stig ons ook ons eie klub waarin alle ouderdomsgroepe, selfs ons onderwysers en ouers kan deelneem. Ons skop af met 57 atlete! Ons doen uitstekend en is die liga tans besig. 
• 9 leerders kwalifiseer vir Gauteng Noord Kleure op 23 Junie 2024 en neem hulle deel op 20 Julie 2024 aan die Interprovinsiale kampioenskappe (SA's). Saam met hulle kwalifiseer Mnre Marnus Putter en Glen van Pletzen ook vir hulle provinsiale kleure. 

As jy 'n langasem is, is landloop vir jou!

Hokkie word vir seuns en dogters aangebied in die derde kwartaal vanaf 0/10 tot 0/13. Ons het al verskeie GN Hokkie spelers opgelewer. In 2024 lewer ons 4 Gauteng Noord spelers vir 0/12 op. 

Baie geluk:

• Ilya Abrahams
• Lisa van Jaarsveld
• Lesedi Matlakeng
• Dylan Kidson

Mini-hokkie is vir leerders van Gr.1- Gr.3 en vind ook plaas in die 3de kwartaal.

Ons Senior hokkie liga in 2024 lewer goeie resultate:

• 0/10A eindig 3de
• 0/10B eindig 1ste
• 0/11A eindig 3de
• 0/11B eindig 4de 
• 0/12A eindig 1ste
• 0/13A eindig 1ste. 

Ons Seunsliga eindig soos volg:

• 0/10A - 4de
• 0/11A- 3de
• 0/12 A - 2de
• 0/13 A - 4 de

IN DIE KOL!??

Boogskiet is 'n sportsoort by Laerskool Bakenkop sedert 2014 vir leerders vanaf Gr.3. In 2019 het ons 4 leerders wat Gauteng Noord klere verwerf. 

Ons is weer in volspoed sedert 2023 (na Covid) en is die interskole kompetisies tans aan die gang. 

Ons neem deel aan die Interskole kompetisie op 25 Mei 2024
Ons uitslae is soos volg vir die volgende 8 plekke:
Wian Steenkamp - 2de plek
Bjorn Coetser - 5de plek
Lukas Kelder - 7de plek
Izak Kelder - 8ste plek 

Vir meer besonderhede om betrokke te raak kontak vir Ems Swanepoel by Hierdie e-posadres word teen spambots beskerm. Jy benodig JavaScript geaktiveer om dit te bekyk. of kontak haar by 083 2837627. 

Dis 'n mik, korrel en 'n gooi....dit is 'n pen....dit is Jukskei!  Ons is een van min skole wat Jukskei aanbied sedert 2015. Elke jaar raak ons beter en beter.  

Alle leerders van Gr.1 – 7 mag deelneem.  Jukskei word in die 3de kwartaal beoefen.  

Ons Jukskei word afgesluit op 'n baie hoë noot in 2024. Tydens die laaste liga word ons aangewys as die algehele wenners van al die skole.

Die 0/11A Seuns wen die liga

Die 0/13A seunsspan wen die liga

Die 0/11B2 seunsspan is 3de

Die 0/11 B1 seunsspan eindig 2de

Ons 0/13 seuns word ook genooi na die Direkteurs toernooi toe.

Die volgende leerders word ook genooi om deel te neem aan die Gauteng Noord proewe later die jaar:

0/11

• Liam Reynecke
• Xander Pheiffer
• Daniel Fourie
• Wian Fourie

0/13

• Moya Kruger
• Dane Jordaan
• Johan Visser
• Ben Botha
• Ricus Bester
• Sebastian Radford
• Janko Pheiffer

Krieket by Laerskool Bakenkop moet nie onderskat word nie! Ons het tot dogters wat deel is van die Titans Mini krieket en die dogters in die senior krieketspanne.

• Carmen Hugo is deel van die 0/13 Titans span vir 2024. 
• Ricus Bester, Ewan Brits, Jordan Joubert en Janko Pheiffer is deel van die 0/14 Gauteng Noord Binnenhuise Krieketspan vir 2024.
• Xander Pheiffer, Eben Joubert en Logan Donaldson is deel van die 0/10 Gauteng Noord Binnenhuise Krieketspan vir 2024
• De Wet de Lange, Ayden Donaldson en Nathan Krige is deel van die 0/12 Gauteng Noord Binnenhuise Krieketspan vir 2024
• Xander Pheiffer is deel van die SA Binnenhuise krieketspan vir seuns 0/10 in 2024.
• Ruben Kritzinger en Liam Marshall is deel van die Gauteng Noord aksie krieketspan 0/11 span in 2024. 
• Ayden en Logan Donaldson speel in die Mpumalanga Premier toernooi in 2024. 

Krieketseisoen vind plaas in die derde kwartaal. Spanne wat deelneem is as volg: 0/10, 0/11, 0/12 EN 0/13. Die 0/11 en 0/13 spanne gaan toer elke jaar.

Die Titans krieket (Mini-krieket) is vir alle Gr. R tot Gr. 2 leerders. Dit vind in die derde kwartaal plaas en strek tot in die vierde kwartaal. Oefentye is Woensdae 17:00 - 18:00 en Saterdae speel hulle wedstryde!

Die ouers van die Titans krieketspelers speel 'n belangrike rol. Sonder die ouers is Titans krieket nie moontlik nie. Ons ouers is ook afrigters!

ALLES IN DIE LEWE HET 'N DOEL....VERAL NETBAL 

Netbal word in die 2de kwartaal gespeel. Ons afrigters word jaarliks ge-gradueer en is daar 15 afrigters met 'n Vlak 1 netbal kwalifikasie. 

Dit word in 4 groepe hanteer , naamlik Blitzimpi netbal (Gr RR) Blitzie netbal (GR R) Mini-netbal (Gr 1 tot Gr 3) en Senior netbal (Gr 4 tot Gr 7).

Blitzimpi en Blitzie-netbal vir Gr. R het ten doel om so veel moontlik Gr. R dogtertjies bekend te stel aan netbal en waar ons vaardighede aanmoedig.

Mini Netbal is vir Gr. 1 - 3 dogters en word vriendskaplik gespeel by Mini Netbal toernooie.  

Liga wedstryde vind plaas vanaf 0/10 - 0/13 en in 2024 het ons 3 spanne in elke ouderdomsgroep. Ons 0/12 en 0/13 spelers kry ook die geleentheid om aan die Gauteng kampioenskappe deel te neem.  

Ons neem ook deel aan die Interskole reeks saam met 9 ander skole. Ons 0/10A Netbal span speel uit vir 'n goud teen Laerskool Garsfontein en eindig 2de. 

Proewe vir die ligaspanne word reeds al in Okt gedoen om die daaropvolgende jaar se spanne te kies. Daar word meestal 3 spanne per ouderdomsgroep gekies. Die A en B spanne gaan ook op netbal toere by Sportisimo. Al die spelers kom terug met baie kennis en is reg vir die liga wat in die 2de kwartaal voorlê.   

Tydens die 2026 Gauteng Netbal proewe is daar 2 dogters, Jessica Ortmann en Mickyala Language wat tot in laaste speel. Ongelukkig word nie een van hulle gekies vir die provinsiale span nie.      

2025 se liga uitslae is soos volg:

• 10A – Wen die liga

• 10B – 3de plek

• 10C – 2de plek (vriendskaplik)

• 11A – Wen die liga

• 11B – Wen die liga

• 12A – 3de plek

• 12B – 3de plek

• 13A – 4de plek

• 13B – 3de plek

• 13C – 4de plek (vriendskaplik)

Ons is tans besig met 2026 se liga wedstryde. 

Ons Bulletjie Rugby ( 0/6 - 0/8) is voorwaar klein Bulle! Dis waar vaardighede ontwikkel. 

Dogters mag ook aan bulletjie rugby deelneem tot einde van Gr 2. Ons begin al in die 1ste kwartaal oefen op Maandae en Woensdae van 17:00 - 18:00.

Wedstryde vind plaas in die 2de kwartaal op Saterdae en daar is selfs 'n Bulletjie dag op Loftus. Pappas wat wil betrokke raak by die afrigting kan vir Mnr Stef kontak by Hierdie e-posadres word teen spambots beskerm. Jy benodig JavaScript geaktiveer om dit te bekyk.