Elke jaar het ons 'n unieke Bakie tema wat ons uitleef en uitdra vir die jaar. Ons tema vir 2024 is
Geluk! Jy deel aan die jaarlikse "kaartspel" van Laerskool Bakenkop vir 2024!
As jy hierdie jaar kan vergelyk met 'n kaartspel kan jy kies watter hand vir jou gedeel gaan word?
· 'n Goeie hand, waarmee jy lekker kan werk?
· 'n Hand wat geleenthede bied vir die toekoms?
· So 'n middelmatige hand?
· 'n Vrot hand waarmee jy niks kan maak nie?
Die spelreëls vir 2024 is:
- Speel jou geloofshand reg. As kind van die Here is jy ‘n geseënde. Jy kan elke dag jou seëninge tel.
- Of jy nou net begin met jou skoolloopbaan of dalk klaarmaak met Gr 7, mag die kaarte in jou hand in jou guns tel.
- Mag die ‘Jokers’ wat voorkom jou nie laat vrees nie
- Al gaan 2024 soms 'n ‘wild card’ hê , hou jou Poker-gesig reguit en weet dat daar ‘n groter doel
- Wanneer die boerpot jou tref, pak ‘n wen-glimlag uit wat jou gesig verryk, sodat almal hul aan jou vreugde sal verkyk.
Dit hang van jou af hoe jy jou kaarte gaan speel. Dit help nie om ander te beskuldig nie, of die blaam op omstandighede te plaas nie. Net jy kan die verantwoordelikheid vat, niemand anders nie. Dit help nie om 'n ander se kaarte te begeer nie, of te probeer afvat nie. Speel jou eie hand, vernuftig, al is dit net twee's.
Mag ons almal in 'n volhuis van gelukkige oomblikke en herinneringe in 2024 deel!
Dit sal goed gaan, want by Bakies weet ons die beste hand is die hand wat saamspeel.
- 2023 - Bakies is gerat
- 2022 - Bakies druk hul stempel af
- 2021- Bakies groei saam.
- 2020 - Bakies droom groot!
- 2019 - Bakies reik na die sterre
- 2018 - Bakies klim die leer na sukses
- 2017 - Bakies trap diep spore
- 2016 - Bakies is op die regte spoor
- 2015 - Bakies vlieg hoog
- 2014 - Bakies is aanboord
