Nog 'n eerste by Bakies! Ons begin 'n Toneelgroep in 2018 o.l.v. Mnr Munnik vd Merwe en Juf Magda du Preez.  

In 2019 wen ons groep “ Ek soos Jy” die Artistuculta Landswye kompetisie. Daarby saam word Inge Vosloo aangewys as die beste byspeler en Mnr Munnik is aangewys as die beste regisseur.

Ons ander groep “ Ek sal dalk net survive” word aangewys as die wenners by die Eldo Toneelfees in 2019! Leerders van Gr.4 - 6  kan kom vir oudisies aan die einde van elke jaar.

Oefeninge vind plaas op Vrydae middae.

Inge Vosloo in aksie 

In 2018 begin ons met groepsredenaars slegs vir Gr 6 en Gr 7. In 2019 behaal die die Gr 6 groep 'n 3de plek by die Nasionale Oppi Tong af kompetisie! 

Ons ontvang ook die volgende Centurion Kunstefees Prestige Toekennings in 2019:
Die Gr 7 groep wen die toekenning vir die Beste Skool Woordspel Afrikaanse huistaal Gr 7
Die Gr 6 groep wen die toekenning vir die Beste Skool Woordspel Afrikaanse huistaal Gr 6

Groepsredenaars is so gewild dat ons in 2020 van Gr 4 af daarmee gaan begin!

Kom kyk waarmee hou moderne Bakie Voortrekkers hulle besig, waarom ‘n Voortrekker ‘n gelukkige kind is, met ABC-waardes: Christenskap, Burgerskap en Afrikanerskap.

Voortrekkers is nie net vir die leerlinge nie, maar Ma en Pa kan ook op vele vlakke betrokke raak, afhangend van wat die gesin se behoeftes is, en werksomstandighede dit toe laat.

In 2019 skenk Ons Voortrekkers 'n Geelhoutboom vir ons skool ter viering van hulle 88 ste verjaarsdag. Ons Gr R Voortrekkertjies het ook kom staan vir 'n foto. Dankie dat ons ook nog mag spog met Voortrekkers.

Elke jaar het Bakies 'n massadeelname waarin alle leerders van Gr R - 7 mag deelneem. Dit is n spog optrede en ouers, grootouers, vriende en vyande kan nie wag om daarna te kom kyk nie. In 2015 hou ons Onniekonsert en gee die leerders n kans om die onnies te sien "perform". 2016 se optrede was gehou op 20 September en die tema was "Laat die wiele rol". In 2017 vat ons vir Walt Disney aan met 'n magiese "It's a kind of Magic tema! In 2018 doen ons die SKOOL MET DIE BESTE GEES en in 2019 Reik ons na die sterre!  

In 2020 gaan ons weer 'n Onniekonsert hou.

Hulle praat ons van ons kop af, in die klas, op die stoepe, tydens pouses, maar ons hou van ons Babbelbekkies. Ons redenaars is hoog op ons lys van kultuur aktiwiteite en ons praat net so goed in Engels as in Afrikaans. Ons hou 'n Afrikaanse en Engelse Redenaars middag by die skool waar 'n wenner uit elke graad gekies word. Daarna gaan neem hulle deel aan die Super 8 en die kunswedstryde, Oppi Tong en Radikale Redenaars. In 2018 behaal ons 'n 1st, 2de en 3de plekke op indivuduele vlak by die Super 8 en is algeheel 2de! In 2019 wen ons die Super 8 Engelse Redenaars.

2019 Prestasies! 

• Chane van Rooyen wen by die Artistikulta se Nasionale  Redenaars vir Afrikaans Eksperimenteel Gr 5 - 6.
• Monica Swart is 3de by dieselfde kompetisie vir onvoorbereide lees in Afr en 5de in Engels. 
• Ons Gr 6 groep is ook by die kompetisie 3de in die Eksperimentele kategorie! 
• Lana van Schalkwyk is die Algehele wenner vir Prosa Lees ook by die Artistikulta se Nasionale  Redenaars

 Monica Swart, Lana van Schalkwyk en Chané van Rooyen

As dit regtig winterkoud is in Centurion, is dit die geleentheid vir die leerders wat aan die verskillende kultuuraktiwiteite deelneem om met hulle talente te spog. Vir ‘n week lank “KULTUUR” ons elke aand. Ons sing, dans, speel instrumente, doen drama en redenaars.

Ons nooi graag van die buurskole om saam te kom feesvier. Dit is groot jolyt! Die saal is elke aand stampvol en dis heerlik om by almal te spog met ons talente.

Die Junior- en Seniorkoor, Suikerbekkies, ligte liedjies en Bakiejollers is ons trots. Individuele leerders kry ook geleentheid om almal met hulle talente te verstom. In Bakieland staan kultuur nie ‘n tree terug vir sport nie.

Ons Jnr Revue wen die Super 8 in 2019.

Hou jy dalk van sing? Wat van dans? By ons Revues kan jy altwee doen. Die Jnr Revue bestaan uit Gr 1 - 4 leerders en ons Senior Revue uit Graad 5 -7 leerders. Voordat jy in die groep kan wees moet jy eers 'n oudisie doen. Jy hoef nie professioneel te kan sing of dans nie jy moet dit net kan geniet!

Oefeninge vind plaas op Maandae en Woensdae vir albei groepe.

Ons tree op by die Super 8, Kaleidoscope, SA Championships, Kunstfeeste, Tswane Youth Arts festivals. 

DR TERTIUS JOKER VAN BINNELANDERS WAS EEN VAN ONS EERTE LEDE VAN ONS SENIOR REVUE IN 1999. Toe het hulle bekend gestaan as die Bakiejollers. 

. 

"  

Bakies neem elke jaar deel aan die plaaslike kunswedstryde soos Eistedfodd, Kraalkunstefees en Centurion kunstefees. Hier wys ons ons talent in sing, spraak, drama en kuns. Ons lewer elke jaar kategoriëe wenners op. In 2016 het ons 9 kategoriewenners by die Centurion Kunstefees.  By die Kraalkunstefees verwerf ons 16 ligte liedjie leerders 14 A++, 12 A+ en 3 A's.

 Ons  lewer 3 kategorie wenners by die Centurion Kunstefees op in 2017 waarvan ons jongste net in Gr R is.   

Hier is van ons skuldenaars vir 2017

Notepret aande by ons skool is presies waaroor dit gaan. Dis prêt wat saam met note gepaard gaan. Dit word gewoonlik in die begin van die 2de kwartaal gehou want dan het ons Kore tyd gehad om te oefen en kan hulle kom spog die aand. Ons nuwe Graad 4 ligte liedjie leerders tree ook die aand vir die eerste keer op met "backtrack" en al. 

 .       

Ons Junior koor wen die Super 8 in 2019! Ons Seniorkoor word aangewys as die beste koor tydens die Kraal Kunstefees in 2019.  

Ons het 'n Junior koor wat uit Gr 1 - 3 leerders bestaan en 'n Senior koor wat uit Gr 4 - 7 leerders bestaan. Vir beide kore moet jy gekeur word. Die keuring is streng en word bepaal deur die leerder wat ‘n suiwer stem en goeie musikale oor het. Ons werk baie aan stembou en gehoor.   Vanaf September 2018 word ons Seniorkoor begelei deur die welbekende Mnr Anton Pottas! Albei kore bestaan uit +70 lede 

Daar word aan kunswedstryde deelgeneem en hulle tree ook elke jaar op saam met bekende kunstenaars soos Bobby v Jaarsveld, Manuel Escorcio, Arno Jordaan en Nadine op by Lewende Woord se Foyer.   

Hulle was ook al genooi om  by Candles by Candlelight by die Centurion Mall op te tree saam met kunstenaars soos Liza Bronner, Nianel en Nadine.   

Koorafrigters woon jaarliks werkswinkels en kursusse by om te verseker ons staan nie terug  vir enige ander koor nie. 

Sing is die leerders se passie en hulle gaan sing-sing deur die skool!